પ્રેમ જ્યાં પંખી તરફનો મેં કર્યો જાહેર ત્યાં,
પગ હતા એ પાંગરીને મૂળ જેવા થઈ ગયા.
બર્થ ડેની કેકને કાપી જ નહી વર્ષો સુધી,
કેંડલોને ફૂંક મારી, હાથ ત્યાં પત્થર થયા.
શહેરમાં કર્ફ્યુની હાલત કેમ થઈ છે શી ખબર,
અફવા છે કે, 'ટેગ' કરતા એમને ભૂલી ગયા.
ઘર હતું એનાથી નાનુ એ સવારે થઈ ગયું,
સાંભળ્યુ પેલા પડોશીના ઘરે કડિયા ગયા.
બારણા ના હોય એવા દેશમાં થાક્યા હશે,
હાથમાં રાખી મૂકેલા એ ટકોરા જાય ક્યાં?
ટિપ્પણીઓ નથી:
ટિપ્પણી પોસ્ટ કરો