શુક્રવાર, સપ્ટેમ્બર 12, 2008

ગઝલ - મરીઝ

મરીઝ સાહેબની એક સુંદર ગઝલ -

એવો કોઈ દિલદાર જગતમાં નજર આવે,
આપી દે મદદ કિંતુ ન લાચાર બનાવે.

હમદર્દ બની જાય જરા સાથમાં આવે,
આ શું કે બધા દૂરથી રસ્તા જ બતાવે!

શું એને ખબર કોની નજર પ્યાસી રહી ગઈ?
જે ભેજમાં ચાલે અને પાલવ ન ઉઠાવે.

એ સૌથી વધુ ઉચ્ચ તબક્કો છે મિલનનો,
કહેવાનું ઘણું હો ને કશું યાદ ના આવે.

કોઈ પ્રેમીથી તમારા, વાતોની કલા લ્યે,
એક વાત કરે એમાં ઘણી વાત છુપાવે.

રડવાની જરુરત પડે ત્યાં સૂકા નયન હો,
ને હસતો રહું ત્યાં જ જ્યાં હસવું નહિં આવે.

છે મારી મુસીબતનું 'મરીઝ' એક આ કારણ,
હું મુજથી રૂઠેલો છું, મને કોણ મનાવે?

3 ટિપ્પણીઓ:

  1. મરીઝસાહેબની ગઝલ મઝાની જ હોય
    રડવાની જરુરત પડે ત્યાં સૂકા નયન હો,
    ને હસતો રહું ત્યાં જ જ્યાં હસવું નહિં આવે.
    છે મારી મુસીબતનું 'મરીઝ' એક આ કારણ,
    હું મુજથી રૂઠેલો છું, મને કોણ મનાવે?
    વાહ

    જવાબ આપોકાઢી નાખો
  2. એ સૌથી વધુ ઉચ્ચ તબક્કો છે મિલનનો,
    કહેવાનું ઘણું હો ને કશું યાદ ના આવે.

    my all time favortie sher...

    જવાબ આપોકાઢી નાખો
  3. એવો કોઈ દિલદાર જગતમાં નજર આવે,
    આપી દે મદદ કિંતુ ન લાચાર બનાવે.

    aakhi jindagi na, darek relation no ama saar aavi jay chhe...saral lagti, pan adbhut vaat

    જવાબ આપોકાઢી નાખો