શનિવાર, જુલાઈ 19, 2008

કોઈ જાદુ હશે રબારણમાં...

આજે શોભિત દેસાઈ. એ સંચાલન કરતા હોય ત્યારે લાગે કે કવિતા કરતા સંચાલન સારું કરે અને કાવ્ય-પઠન કરે ત્યારે લાગે કે ના-ના આ તો કવિતા સારી કરે છે...આવી મીઠી મુંઝવણ તમને સતત સ્પર્શયા કરે...પણ બંને બાબતો બખૂબી નિભાવી જાણનારા શાયર/સંચાલક શ્રી શોભિત દેસાઈની જાણીતી ગઝલ.....
(BTW એ આશિત દેસાઈના cousin brother થાય એ તો ખબર છે ને!)



આવું અજવાળું ના ઊગે ધણમાં!
કૈંક જાદુ હશે રબારણમાં!

આજે તેં આંખ ફેરવી લીધી,
કાલે બેઠો’તો તારી પાંપણમાં.

સહે....જ ઉમ્મર વધી હો વર્ષાની,
એવું લાગી રહ્યું છે શ્રાવણમાં.

વૃધ્ધો સામાન્યત: ઊઠી વહેલા,
દીર્ધ દિવસ જીવે છે ઘડપણમાં.

રેતી આવી રૂપાળી તો ના હોય!
ક્યાંક કૂવો છૂપાયો છે રણમાં.

હા, લીલો કાચ જેવો મૂંઝારો,
વેડફી નાખ્યો છે મેં સમજણમાં.

4 ટિપ્પણીઓ:

  1. હા, લીલો કાચ જેવો મૂંઝારો,
    વેડફી નાખ્યો છે મેં સમજણમાં.

    -બહુ સરસ શેર !

    જવાબ આપોકાઢી નાખો
  2. અજ્ઞાત7/20/2008 11:44 AM

    હા, લીલો કાચ જેવો મૂંઝારો,
    વેડફી નાખ્યો છે મેં સમજણમાં.

    -ક્યા બાત હૈ ! હાઁસિલ-એ-ગઝલ શેર...

    જવાબ આપોકાઢી નાખો