શનિવાર, ઑક્ટોબર 11, 2008

ગઝલ - દિલીપ શ્રીમાળી

શનિસભામાં આજે બહુ દાદ પામેલી ગઝલ રજુ કરું છું...કવિ છે દિલીપ શ્રીમાળી...ગુજરાતી કવિતાનો નવો અવાજ.


અગર હું થાઉં વાદળ તો વરસવાનો સમય ક્યાં છે?
અને તું થાય વાદળ તો પલળવાનો સમય ક્યાં છે?

ઉતારી દઉં અહમ પણ એક પળમાં સર્વ ફૂલોનો,
પરંતુ દોસ્ત ફૂલોને મસળવાનો સમય ક્યાં છે?

ઘણી એ ઠોકરો વાગી હતી અમને ઘરે જાતાં,
હું સંભાળીને ચાલું છું, લથડવાનો સમય ક્યાં છે?

ન પૂછો કેમ પડતાંવેંત ડુબી જાય છે પત્થર,
પરંતુ સત્ય એ છે એને તરવાનો સમય ક્યાં છે?

પડ્યું છે ક્યારનું એ સાવ ખાલ મંચ મારામાં
ઘણાએ પાત્ર છે ભીતર ભજવવાનો સમય ક્યાં છે?

2 ટિપ્પણીઓ:

  1. અજ્ઞાત10/12/2008 7:38 AM

    bahu ja saras

    mazaa avi gai

    જવાબ આપોકાઢી નાખો
  2. પડ્યું છે ક્યારનું એ સાવ ખાલ મંચ મારામાં
    ઘણાએ પાત્ર છે ભીતર ભજવવાનો સમય ક્યાં છે?
    આ પંક્તીઓ ગમી
    બેફામ યાદ આવી ગયા
    હું ગાઢ એવા કંઇ અવકાશમાં ફસાયો છું,
    તનેય મળવાનો મારી કને સમય ક્યાં છે ?
    પ્રજ્ઞાજુ

    જવાબ આપોકાઢી નાખો